Innlent

Stærsti skjálftinn 3,5 að stærð

Sólrún Dögg Jósefsdóttir skrifar
Mynd af Eldey úr safni.
Mynd af Eldey úr safni. Vísir/Egill

Skjálftahrina ríður nú yfir við Eldey nærri Reykjanesskaga. Sá stærsti mældist 3,5 að stærð um hálfníuleytið fjóra kílómetra vestur af Eldey. 

Samkvæmt upplýsingum frá Veðurstofu Íslands hafa yfir 20 skjálftar mælst á svæðinu síðan þá. Klukkan 21:16 varð annar skjálfti sem mældist 3,2 að stærð. 

Samskonar skjálftahrina reið yfir vikuna 12. til 18. febrúr á sama svæði. Þá mældust um hundrað skjálftar, sá stærsti 3,5 að stærð. 

Í Facebook-færslu frá Eldfjalla- og náttúruvárhópi Suðurlands segir að skjálftavirkni hafi farið vaxandi síðustu daga á Reykjanesskaga og sé þetta önnur skjálftahrinan sem gengur yfir við Eldey á nokkrum dögum. Allt sé þetta til marks um aukna spennu á svæðinu öllu samhliða því sem kvikusöfnun og landris á sér stað í Svartsengi.

Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið